Պացիենտների մեծ մասը Լոռու մարզի բնակիչներն են, ինչպես նաև սպասարկվում են բուժառուներ հարակից մարզերից:

Բաժանմունքն աշխատում է գերծանրաբեռնված ռեժիմով:

Ելնելով հեմոդիալիզի կարիք ունեցող պացիենտների թվաքանակից՝ բաժանմունքն աշխատում է գերծանրաբեռնված՝ երեք հերթափոխով: Աշխատանքն սկսվում է առավոտյան 08:30-ից և ավարտվում երբեմն կեսգիշերին:

Պրոֆեսիոնալ ու հոգատար բուժանձնակազմի կողմից արվում է հնարավոր ամեն ինչ՝ ապահովելու համար պացիենտների խիստ անհրաժեշտ ու կենսական նշանակություն ունեցող բուժօգնությունը:

Բժշկական կենտրոնի հեմոդիալիզի բաժանմունքն ունի 3 վերապատրաստված բժիշկ մասնագետներ, որոնց թվում նաեւ՝ մանկական նեֆրոլոգ:

Բաժանմունքի բուժանձնակազմը բազմիցս արժանացել է շնորհակալագրելի տարբեր առողջապահական կազմակերպությունների կողմից, այդ թվում՝ ՀՀ Առողջապահության նախարարության եւ Լոռու մարզպետի կողմից:

Բացի ստացիոնար բուժում ստացող պացիենտներին սպասարկելուց, բաժանմունքի բուժանձնակազմի կողմից իրականացվում Է երիկամային անբավարարություն ունեցող պացիենտների խորհրդատվություն, հետոզոտություն, ամբուլատոր բուժում և հիվանդների նախապատրաստում հետագա ծրագրային հեմոդիալիզի մեթոդով բուժման:

Բաժանմունքի ողջ անձնակազմը պացիենտներին մաղթում է քաջ առողջություն եւ շուտափույթ ապաքինում: